El Comercio y La Voz de Aviles llancen güei, xueves 16 d'ochobre, la primera entrega del cursu d'afondamientu d'asturianu. Esti cursu ye la continuación del que yá sacaran l'añu pasáu y constará de trenta unidaes que dirán espublizando nes páxines del diariu los martes y xueves. Amás, esti cursu de Xurde Fernández y Marian García tá dixebráu en cuatru estayes: 'Siguiendo'l camín', 'La nuesa lliteratura', 'Más palabres en bolsu' y 'Viviendo los llibros'.
La Mancomunidá d'El Cabu Peñes convoca por segunda vegada un Certame de Curtios n'asturianu. La temática ye llibre y el curtiu tendrá un llargor d'unos 15 minutos.
La entrega pué faese en mano nes oficines de la Mancomunidá (C/Braulio Busto, 2 – 2u, 33430 Candás – Carreño; tfnu. 985872421), per corréu certificáu con acuse recibu o per fax (985 87 25 22). Presentaráse nuna carpeta o sobre col títulu: “Segundu Certame de Curtios en Llingua Asturiana de la Mancomunidá Cabu Peñes” asina como’l nomatu del autor y dientru axuntaráse un sobre zarráu colos datos del autor y el títulu de la obra. La fecha tope sedrá'l llunes, 1 d'avientu de 2008.
¿A que tás esperando?
Probeza. Siempre asociamos esti términu a los países del Tercer Mundiu y despreocupámonos d'estes cuestiones pensando que nunca van tocanos a nosotros. Per embargu, ye una situación que sufren tamién ciudadanos de los nuesos países y, poro, nun tan llonxana. Amás, anguaño que sufrimos esta crisis mundial, la situación s'agrava. Y demientres los más ricos del mundiu siguen enriqueciéndose a costa de los demás, los equipos de fútbol siguen fayendo fichaxes millonarios, la Ilesia sigue ensin dedicar el dineru que posee gracies al so patrimoniu a quien realmente lu necesita. Pa lluchar escontra estos problemes los políticos conxelen los sos sueldos, faen propuestes y crean instituciones como la ONU que con les sos organizaciones delles vegaes empeora más les coses en llugar de arreglales. ¿Y cuál ye entos la solución? Que toos fuéramos un pocu más solidarios colos demás. Por desgracia esto ye güei en día tan solo una utopia.
http://blogactionday.org/js/4b637c865d25141a8deb27810387756468912aa7">
Pa esta edición del Festival de Cine de Xixón tán preparando'l primer doblaxe duna película al asturianu. Esti eventu tendrá llugar ente los díes 20 y 29 de payares y nella podremos ver esti primer film doblado n'asturianu. Trátase de La increíble aventura de los dos mosquitos de los directores daneses Jannil Hastrup y Flemming Quist Meller.
Nun ye la primera vegada que se fai un proyeutu desti tipu, existen precedentes comu El faru d'Iyán o Presta asgaya, sicasí trátase del primer largometraxe y ye ehí onde reside la so importancia.
El Real Uviéu suma una nueva victoria nesta temporada. El pasáu domingu l'equipu de la capital enfrentóse en casa contra l'Astur nún partíu que nun tuvo mayor misterio pal conxuntu azul.
El primer gol llegó yá nel minutu 2 (Mario Prieto), lo que faía suponer que les coses nun diben acabar bien pal equipu visitante. Pocu dempués, nel minutu 5, llegaba'l segundu (Invernón). Yá na segunda metá cairían-ys otros cuatro: Jorge Rodríguez (48'), Villanueva (51') y Cervero (76', 78').
L'entrenador visitante dixo díes enantes del encuentru que esti añu nun encajaríen siete goles comu l'añu anterior, anque pudieron ser munchos más si nun fuera pola buena actuación del porteru del Astur.
Con esti resultáu l'Uviéu colócase primeru na tabla y vuelve ilusionanos a toos una vegada más. Esperemos que esti añu seya'l definitivu.
El próximu 15 d'ochobre celebraráse'l Día d'Aición Bloguera. Esti añu, el tema sedrá la probeza. Lo únicu que ties de faer, si ties un blog, ye rexistrate na páxina y dempués escribir un post nel to blog el 15 d'ochobre sobre esti tema en cuestión.
L'añu pasáu el tema foi'l cambeu climáticu y nesa edición participaron más de 20.000 blogueros de tol mundiu.
¡Esta vegada anímate tú tamién!
Una vegada más l'asturianu Fernando Alonso fixo lo imposible, quedó primeru por segunda vegada consecutiva nesti añu. Pesie a que yá nun pue optar a ser campeón del mundiu nesta temporada, l'ovetense nos fae mantener la esperanza pa un futuru.
Esta vegada la victoria supo-y tovía meyor que la anterior, ya que foi totalmente por méritos propios, nin safety car nin ná se-y pué reclamar al pilotu. Amás, el so compañeru, Nelson Piquet, algamó la cuarta posición, polo que cabe suponer que dalgo tá camudando na escuderia francesa.
Renault paez querer que l'asturianu siga con ellos na próxima temporada pero habrá que esperar ta payares pa conocer el futuru del pilotu.
El Real Uviéu sumó esti fin de selmana una nueva victoria, esta vegada escontra'l Tuilla con dos goles d'Alex. Esta ye la quinta victoria de la temporada pal equipu de la capital que esti próximu domingu enfrentaráse escontra l'Astur a les 17 hores nel Carlos Tartiere. El Real Uviéu va segundu na clasificación a un puntu del Llangréu que llidera la tabla con 16 puntinos.
Güei, xueves 9 de ochobre, presentaráse a les 19:30 hores na llibreria Cervantes de Uviéu el llibru-anuario Memoria Azul '08. Nel llibru encontrarás avatares del Uviéu, anécdotes, estadístiques y entrevistes del equipu azul. Amás, na presentación tendrá llugar una charra sobre la Presencia l'Uvieísmu na sociedá ovetense y asturiana. Si yes oviedista, nun te lu pués perder.
L'equipu asturianu algamó por fin la so primer victoria en primera división. El Sporting ganó por 0 a 2 a un desordenau Mallorca, lo que sin dulda sedrá un alivio pa los de Preciado dempués de un nefastu entamu na Lliga BBVA. Ta'l momentu'l conxuntu xixonés contaba con cuatro derrotes frente al Sevilla, Barcelona, Real Madrid y Villarreal. Poro, el gol de Carmelo nel minutu 11 supunxo una piquina esperanza pa tolos aficionados. Más tarde, yá na segunda metá, el gol de Canella resolvería definitivamente l'encuentru.
Tags
Quickpost this image to Myspace, Digg, Facebook, and others!
Esbilla
del.icio.us