Cerca de 30 artistes tienen rexistraes les sos versiones del "Asturies, patria querida". Por ello, cada vegada que suena esta música -a esceición d'actos publicos, relixosos o millitares- la SGAE cobra por ello. Y ye que diches versiones rexistráronse enantes de que se constituyera comu himnu.
Asina que, yo que vosotros, pensábamelu enantes de poneme a cantalu :P.
Probeza. Siempre asociamos esti términu a los países del Tercer Mundiu y despreocupámonos d'estes cuestiones pensando que nunca van tocanos a nosotros. Per embargu, ye una situación que sufren tamién ciudadanos de los nuesos países y, poro, nun tan llonxana. Amás, anguaño que sufrimos esta crisis mundial, la situación s'agrava. Y demientres los más ricos del mundiu siguen enriqueciéndose a costa de los demás, los equipos de fútbol siguen fayendo fichaxes millonarios, la Ilesia sigue ensin dedicar el dineru que posee gracies al so patrimoniu a quien realmente lu necesita. Pa lluchar escontra estos problemes los políticos conxelen los sos sueldos, faen propuestes y crean instituciones como la ONU que con les sos organizaciones delles vegaes empeora más les coses en llugar de arreglales. ¿Y cuál ye entos la solución? Que toos fuéramos un pocu más solidarios colos demás. Por desgracia esto ye güei en día tan solo una utopia.
http://blogactionday.org/js/4b637c865d25141a8deb27810387756468912aa7">
El próximu 15 d'ochobre celebraráse'l Día d'Aición Bloguera. Esti añu, el tema sedrá la probeza. Lo únicu que ties de faer, si ties un blog, ye rexistrate na páxina y dempués escribir un post nel to blog el 15 d'ochobre sobre esti tema en cuestión.
L'añu pasáu el tema foi'l cambeu climáticu y nesa edición participaron más de 20.000 blogueros de tol mundiu.
¡Esta vegada anímate tú tamién!
Manuela Fernández, de Grau, cumplió'l pasau 18 de xunu 113 años. Esta moscona pué presumir de ser la muyer más vieya de toa España y la séptima del mundiu.
Esta asturiana nació nel añu 1895 en Llamas (Grau). Ellí combina'l curiáu de los animales colos estudios na escuela. Con 19 años emigró a Cuba cola esperanza de futuru meyor, ya que n'Europa yeren tiempos difíciles pola I Guerra Mundial. Foi ellí onde conoció al so maríu col que montó una tienda d'ultramarinos. En plena Guerra Civil, regresó a España y asentóse na Coruña. Cuandu terminó la guerra, trasladáronse a Rozallana, de onde yera'l so maríu. Hai yá casi 20 años que marchó a vivir a Grau onde disfruta de la xente, de les tardes de sol y de la so familia.
Lo peculiar d'esta muyer ye lo avanzada que yera pala so época. Les sos pasiones fueron siempre la llectura, el teatru, l'ópera y la música clásica. Quiciabes el vivir na so vida dos dictadures y una guerra civil faen-y ver el mundiu dende otra perspectiva.
Güei entamo el mio primer blog. Sedrá un blog sobre Asturies y escrito na llingua d'Asturies. Animeme a ello porque ye una manera de sentime lligada a la mio tierrina, ya que dende yá hai años toi estudiando fuera d'ella, y tamién col oxetivu de que tolos que, comu yo, tán fuera tean tamién en contautu col nueso Paraísu.
Espero que vos preste.
Tags
Quickpost this image to Myspace, Digg, Facebook, and others!
Esbilla
del.icio.us