Asina que, yo que vosotros, pensábamelu enantes de poneme a cantalu :P.

Comments

La Xunta quier faer un llamamientu a toos aquellos que quieran amosar l'apoyu a la llingua asturiana convidándolos a participar n'esti eventu.

Comments

El Comercio y La Voz de Aviles llancen güei, xueves 16 d'ochobre, la primera entrega del cursu d'afondamientu d'asturianu. Esti cursu ye la continuación del que yá sacaran l'añu pasáu y constará de trenta unidaes que dirán espublizando nes páxines del diariu los martes y xueves. Amás, esti cursu de Xurde Fernández y Marian García tá dixebráu en cuatru estayes: 'Siguiendo'l camín', 'La nuesa lliteratura', 'Más palabres en bolsu' y 'Viviendo los llibros'.

Comments

La entrega pué faese en mano nes oficines de la Mancomunidá (C/Braulio Busto, 2 – 2u, 33430 Candás – Carreño; tfnu. 985872421), per corréu certificáu con acuse recibu o per fax (985 87 25 22). Presentaráse nuna carpeta o sobre col títulu: “Segundu Certame de Curtios en Llingua Asturiana de la Mancomunidá Cabu Peñes” asina como’l nomatu del autor y dientru axuntaráse un sobre zarráu colos datos del autor y el títulu de la obra. La fecha tope sedrá'l llunes, 1 d'avientu de 2008.

¿A que tás esperando?

Comments

Probeza. Siempre asociamos esti términu a los países del Tercer Mundiu y despreocupámonos d'estes cuestiones pensando que nunca van tocanos a nosotros. Per embargu, ye una situación que sufren tamién ciudadanos de los nuesos países y, poro, nun tan llonxana. Amás, anguaño que sufrimos esta crisis mundial, la situación s'agrava. Y demientres los más ricos del mundiu siguen enriqueciéndose a costa de los demás, los equipos de fútbol siguen fayendo fichaxes millonarios, la Ilesia sigue ensin dedicar el dineru que posee gracies al so patrimoniu a quien realmente lu necesita. Pa lluchar escontra estos problemes los políticos conxelen los sos sueldos, faen propuestes y crean instituciones como la ONU que con les sos organizaciones delles vegaes empeora más les coses en llugar de arreglales. ¿Y cuál ye entos la solución? Que toos fuéramos un pocu más solidarios colos demás. Por desgracia esto ye güei en día tan solo una utopia.

Comments

Nun ye la primera vegada que se fai un proyeutu desti tipu, existen precedentes comu El faru d'Iyán o Presta asgaya, sicasí trátase del primer largometraxe y ye ehí onde reside la so importancia.

Comments

El primer gol llegó yá nel minutu 2 (Mario Prieto), lo que faía suponer que les coses nun diben acabar bien pal equipu visitante. Pocu dempués, nel minutu 5, llegaba'l segundu (Invernón).  Yá na segunda metá cairían-ys  otros cuatro: Jorge Rodríguez (48'), Villanueva (51') y Cervero (76', 78').

L'entrenador visitante dixo díes enantes del encuentru que esti añu nun encajaríen siete goles comu l'añu anterior, anque pudieron ser munchos más si nun fuera pola buena actuación del porteru del Astur.

Con esti resultáu l'Uviéu colócase primeru na tabla y vuelve ilusionanos a toos una vegada más. Esperemos que esti añu seya'l definitivu.

Comments

L'añu pasáu el tema foi'l cambeu climáticu y nesa edición participaron más de 20.000 blogueros de tol mundiu.

¡Esta vegada anímate tú tamién!

Comments

Una vegada más l'asturianu Fernando Alonso fixo lo imposible, quedó primeru por segunda vegada consecutiva nesti añu. Pesie a que yá nun pue optar a ser campeón del mundiu nesta temporada, l'ovetense nos fae mantener la esperanza pa un futuru.

Esta vegada la victoria supo-y tovía meyor que la anterior, ya que foi totalmente por méritos propios, nin safety car nin ná se-y pué reclamar al pilotu. Amás, el so compañeru, Nelson Piquet, algamó la cuarta posición, polo que cabe suponer que dalgo tá camudando na escuderia francesa.

Renault paez querer que l'asturianu siga con ellos na próxima temporada pero habrá que esperar ta payares pa conocer el futuru del pilotu.

Comments

El Real Uviéu sumó esti fin de selmana una nueva victoria, esta vegada escontra'l Tuilla con dos goles d'Alex. Esta ye la quinta victoria de la temporada pal equipu de la capital que esti próximu domingu enfrentaráse escontra l'Astur a les 17 hores nel Carlos Tartiere. El Real Uviéu va segundu na clasificación a un puntu del Llangréu que llidera la tabla con 16 puntinos.

Comments

Güei, xueves 9 de ochobre, presentaráse a les 19:30 hores na llibreria Cervantes de Uviéu el llibru-anuario Memoria Azul '08. Nel llibru encontrarás avatares del Uviéu, anécdotes, estadístiques y entrevistes del equipu azul. Amás, na presentación tendrá llugar una charra sobre la Presencia l'Uvieísmu na sociedá ovetense y asturiana. Si yes oviedista, nun te lu pués perder.

Comments

L'equipu asturianu algamó por fin la so primer victoria en primera división. El Sporting ganó por 0 a 2 a un desordenau Mallorca, lo que sin dulda sedrá un alivio pa los de Preciado dempués de un nefastu entamu na Lliga BBVA. Ta'l momentu'l conxuntu xixonés contaba con cuatro derrotes frente al Sevilla, Barcelona, Real Madrid y Villarreal. Poro, el gol de Carmelo nel minutu 11 supunxo una piquina esperanza pa tolos aficionados. Más tarde, yá na segunda metá, el gol de Canella resolvería definitivamente l'encuentru.

Comments

Ayeri, sábadu 20 de setiembre, el Real Uviéu sumó una nueva victoria ante'l Cuadonga. L'encuentro tuvo llugar a les 18 hores nel J.A. Rabanal.

Na primera metá, Jorge Rodríguez adelantaba'l marcador para los azules. Dempués sucediéronse delles ocasiones para los locales pero ensin dengún éxito.

Yá na segunda metá, anúlan-y dos goles al Uviéu, pero l'equipu de la capital nun se rinde. Nel minutu 76 Nacho Méndez remata de cabeza y marca'l segundu. Más tarde, Cervero marca'l terceru y sentenciaría asina'l partíu.

Comments

Yá tá abiertu'l plazu matrícula que deberá faese enantes del 25 d'esti mes. Pa ello ye necesariu llevar namás que una fotocopia del carné y dos semeyes y pue faese de llunes a vienres de 10:00 a 13:30.

¿A qué táis esperando?

Comments

El preciu de los cursos de llingües ye de ente 180 y 287 euros.  Ca nivel tien una duración de 150 hores llectives distribuídes de payares a mayu.

Paez que pasin ente pasu la nuesa llingua va abriéndose caminu al travies de les sos barreres polítiques.

Más información na páxina del Centro Universitario de Idiomas a Distantcia  (CUID)

Comments

Mañana, vienres 19 de setiembre, tendrá llugar la 58 edición del Día d'América n'Asturies. El desfile entamará a les 17 hores na cai Uría y continuará per Marqués de Santa Cruz, Santa Susana, Plaza General Ordóñez, Avenida de Galicia, Plaza de América y Marqués de Teverga pa acabar en Independencia.

Un añu más podrán vese carroces, bandes de música, bandes de gaites y gigantes y cabezudos peles cais de la capital. Nél desfilarán tamién, como ye tradicional, les reines del conceyu d'Uviéu. Un espectáculu multicultural que ca añu atrae a xente de toa Asturies. ¡Nun te lu pierdas!

Comments

Llunes 15:
- San Lázaro (22:30h): (Artista invitau: Stormy Mondays ). Amaral.
- Plaza de la Catedral(21:30h): Lucas 15; Sergio Dalma y Quinto Parpadeo.

Martes 16:
- Plaza de la Catedral(21:30h): Nueche flamenca (Falete; Capullo de Jerez y El Cabrero).

Miércoles 17:
- Plaza de la Catedral(21:30h): Melocos; Amparanoia; Porta y El Columpio Asesino.

Xueves 18:
- San Lázaro (dende les 18:00 h a les 2 de la mañana): Festival Music Ovi.(Sonido Alfredo; Mc Coyson; The Punishers; Alto Volto; Los Ruidos; Trastornados; Héctor Tuya; Pablo Moro; Nacho Vegas & Christina Rosenvinge; Dr. Explosion; Uno; Las Nurses; Verde Cannaia; Amon Ra y Los Ministros).
- Plaza de la Catedral (21:30h): Nueche afro-llatina (Grupo Afro Natumayini; Pablo Milanés y La Habana de Noche).

Vienres 19:
- San Lázaro (22:30h): Nueche de hip-hop (Quilate; Falsalarma; Rapsusklei & Jahst Reggae Band y SFDK).
- Plaza de la Catedral (21:30h): Nueche de Jazz & Blues (Joaquín Chacón; Zem; Javier Vargas y Los Redentores).

Sábadu 20:
- San Lázaro (22:00h): El Barrio.
- Plaza de la Catedral (dende les 17:00 h.): Día de la Música Asturiana (tonada asturiana, coros, cuartetos, ochotes, intérpretes de la renovación de la tonada, gaiteros,pareyes de baile, grupos de baile, bandes de gaita, cantautores de la música asturiana, Grupos Folk). Comu pieslle: Hevia y Nuberu.

Domingu 21:
- San Lázaro (22:30h): (Artista invitau: Pablo Valdés)Calamaro.
- Plaza de la Catedral (21:30h): Estrella Morente; Mª Dolores Pradera y El Dúo Dinámico.

Amás, al términu de ca conciertu de San Lázaro, les llinies L1, L2 y L7 realizarán los sos percorríos.

Comments

Pesie a que'l Uviéu ganó ayeri por goleada, los de Raúl González sufrieron tola primera metá, ya que nel minutu 16 s'adelentó'l Sieru y l'equipu de la capital nun marcó dengún gol nesta parte.

El primer gol del conxuntu ovetense llegaría namás entamar la segunda metá, un gol de penalti de Cervero, quien consiguió un hattrick nesti encuentru. El Sieru comenzó a venise abaxo, cosa qu'aprovecharon los oviedistes pa marcar el 4-1, el tercer gol a cargo de Jorge Rodríguez.

Tres la xornada d'ayeri, el Real Uviéu va 6º dempués de ganar dos partíos y perder ún, mientres que'l Universidá d'Uviéu sigue liderando la tabla.

Comments

Esta asturiana nació nel añu 1895 en Llamas (Grau). Ellí combina'l curiáu de los animales colos estudios na escuela. Con 19 años emigró a Cuba cola esperanza de futuru meyor, ya que n'Europa yeren tiempos difíciles pola I Guerra Mundial. Foi ellí onde conoció al so maríu col que montó una tienda d'ultramarinos. En plena Guerra Civil, regresó a España y asentóse na Coruña. Cuandu terminó la guerra, trasladáronse a Rozallana, de onde yera'l so maríu. Hai yá casi 20 años que marchó a vivir a Grau onde disfruta de la xente, de les tardes de sol y de la so familia.

Lo peculiar d'esta muyer ye lo avanzada que yera pala so época. Les sos pasiones fueron siempre la llectura, el teatru, l'ópera y la música clásica. Quiciabes el vivir na so vida dos dictadures y una guerra civil faen-y ver el mundiu dende otra perspectiva.

Comments

El vienres 12 de setiembre entamaron les fiestes d'Uviéu col pregón del rector de l'Universidá d'Uviéu, d. Vicente Gotor. La folixa abrióse colos conciertos de Marlango, Sole Jiménez y Belo y los susodichos na plaza de la catedral y el d'Extremoduro en San Lázaro.

Ayeri, sábadu, tocó-ys el turnu a Tomatito, Enrique de Melchor y Salsa céltica, toos ellos gratuitos, mientres que nel complexu deportivu actuaba a les 22:30 El Canto del Loco.

Los grupos que tarán güei na plaza de la catedral sedrán Jaula de Grillos, Pastora y La Negra. Amás, a partir de les 11 de la mañana se pué disfrutar de distintes actividaes rellacionaes cola cultura asturiana na Romería de Monte Alto.

¡A pasalu bien!

Comments